Kan Kohhran Upa min, Upa K. Saibela chuan tukin dar 7:00 khan Chatuan ram min pansan ta. Upa K. Saibela hi Thangkhuma Khawlhring(L) leh Thasiami Chhangte(L) fa hming koh ni turin ni 27 July, 1935 khan Biate khuaah a piang a, unau pianpui 9 a nei a ni. Kum 1963, May 15 khan Manthangi Renthlei, Sialhawk nen innein fa 6 an nei a, an fate 3 hian an la dampui a ni.
Pu Bela hian Pachhunga College atanga B.A a zawh hnuah Bachelor of Teaching chu Shillong-ah zovin, 1966 ah ATC Library ah thawkin, 1967 ah Synod High School ah zirtirtu hna a thawk a. 1968 ah Mikir Hills (tuna Karbi Anglong)-ah Synod-in missionary hna thawka English Medium School enkawl turin a tir a, kum 1977 thleng Headmaster hna a thawk a. 1977 kum tawp lam atanga 1995-a a pension thlengin Synod Bookroom Manager hna a thawk a ni.
Pu Bela hian Pachhunga College atanga B.A a zawh hnuah Bachelor of Teaching chu Shillong-ah zovin, 1966 ah ATC Library ah thawkin, 1967 ah Synod High School ah zirtirtu hna a thawk a. 1968 ah Mikir Hills (tuna Karbi Anglong)-ah Synod-in missionary hna thawka English Medium School enkawl turin a tir a, kum 1977 thleng Headmaster hna a thawk a. 1977 kum tawp lam atanga 1995-a a pension thlengin Synod Bookroom Manager hna a thawk a ni.
Kum 1964 ah Biate Kohhran Upa atan nemngheh a ni a, 1969 ah Zoram Pawn Mizo Kristian Kohhran Upa atan Diphu-ah thlan a ni leh a, 1979 ah Republic Veng Kohhran Upa atan thlan nawn leh a ni. Tualchhung kohhranah leh Bial-ah te rawngbawlna pawimawh tak tak a chelh thin a, Presbytery ah pawh a zawnin (1996-98) chhung khan Moderator hna a chelh a. Synod Secretary lo ni tawhin, PCI Assembly Exe. Committ. Member term hnih lai a chelh tawh bawk. Bahlah lova Sunday School zirtirtu kum 50 chhung a nih lawmpuina pawh MSSU-in a hlan tawh bawk a ni.
Pu Bela hian thu leh hla lamah Mizo te tan sulhnu hlu leh pawimawh tak tak hnutchhiahin, lehkhabu hi 23 a ziak a, Mizo tawnga lehkhabu lehlin pali a nei tawh bawk. Hla 37 lai phuah tawhin, Thlang Kawrvai Reng Kalsiam tih hla a phuah phei chu 1971 khan Family Planning Hla Inphuahsiakah lawmman pakhatna a lakpui a ni. Article leh essay engmaw zat ziakin, sakhaw lam hawi 225 leh thudang 222 lai a ziah te chu chanchinbu leh magazine hrang hrangah chhuah a ni tawh a, lemchan (drama/short play) 20 chuang a ziak tawh bawk a, 'Thu a tawp e lumam' tih lemchan a ziah phei chu College zirlaiah telh a ni nghe nghe a ni.
Pu Bela hian 22 November, 2010 (Thawhtanni) chawhnu khan vanduaina tawkin Scooty-in a su palh hlauh mai a. Aizawl Civil Hospital ICU ah dah a ni a, a enkawltu ten theih tawpin tan la mah se a tawhsual tawh hi a nat deuh avangin tukin (27th November, 2010) zing dar 7 rik hma hret khan, rinawm taka rawng a lo bawlsak thin, a hmangaih leh amah hmangaihtu a Lalpa hnena chawl turin chatuan ram min lo pansan ta a ni.
Upa K. Saibela vuina hi vawiin chawhnu dar 1:00 khan an in Republic Venghlun-ah Bialtu Pastor Rev. R.C Lalnghakliana'n a nei a, chawhnu dar 2:00 khan Biak In ah thlahna hun hmanpui leh a niin, hemi hnu hian Republic Veng thlanmual ah Pro.Pastor Lalhmangaiha chuan a thlahliam ta a ni. A vuina, in lam leh Biak Inah te amah suntu mi thahnem tak an tel a, hmun hrang hrang atangin chhungkhat laina, kohhran hruaitu leh sawrkar mi pawimawh te, thuziak mi te leh mi dang dang, kohhran mipui thahnem takin ui tak chungin an thlah liam ta a ni.
Upa K. Saibela'n min kalsan ta mai hi Kohhran mipui ten hun lo kan tiin kan ui takzet a. A taksa hetah awm tawh lo mah se, a Lalpa kiangah thlamuang taka chawlin, luiral ramah min lo hmuak ang tih beisei chungin Lalpa leh a Kohhran tana a thawh tawhna zawng zawng te kha kan thinlungah kan vawng theuh dawn a ni. A kalsan tak a nupui Pi Mani leh an tu leh fate, chhungkhat laina te zawng zawng hnenah Pathian Engkimtitheia thlamuanna awm zel rawh se.
Pu Bela hian thu leh hla lamah Mizo te tan sulhnu hlu leh pawimawh tak tak hnutchhiahin, lehkhabu hi 23 a ziak a, Mizo tawnga lehkhabu lehlin pali a nei tawh bawk. Hla 37 lai phuah tawhin, Thlang Kawrvai Reng Kalsiam tih hla a phuah phei chu 1971 khan Family Planning Hla Inphuahsiakah lawmman pakhatna a lakpui a ni. Article leh essay engmaw zat ziakin, sakhaw lam hawi 225 leh thudang 222 lai a ziah te chu chanchinbu leh magazine hrang hrangah chhuah a ni tawh a, lemchan (drama/short play) 20 chuang a ziak tawh bawk a, 'Thu a tawp e lumam' tih lemchan a ziah phei chu College zirlaiah telh a ni nghe nghe a ni.
Pu Bela hian 22 November, 2010 (Thawhtanni) chawhnu khan vanduaina tawkin Scooty-in a su palh hlauh mai a. Aizawl Civil Hospital ICU ah dah a ni a, a enkawltu ten theih tawpin tan la mah se a tawhsual tawh hi a nat deuh avangin tukin (27th November, 2010) zing dar 7 rik hma hret khan, rinawm taka rawng a lo bawlsak thin, a hmangaih leh amah hmangaihtu a Lalpa hnena chawl turin chatuan ram min lo pansan ta a ni.
Upa K. Saibela vuina hi vawiin chawhnu dar 1:00 khan an in Republic Venghlun-ah Bialtu Pastor Rev. R.C Lalnghakliana'n a nei a, chawhnu dar 2:00 khan Biak In ah thlahna hun hmanpui leh a niin, hemi hnu hian Republic Veng thlanmual ah Pro.Pastor Lalhmangaiha chuan a thlahliam ta a ni. A vuina, in lam leh Biak Inah te amah suntu mi thahnem tak an tel a, hmun hrang hrang atangin chhungkhat laina, kohhran hruaitu leh sawrkar mi pawimawh te, thuziak mi te leh mi dang dang, kohhran mipui thahnem takin ui tak chungin an thlah liam ta a ni.
Upa K. Saibela'n min kalsan ta mai hi Kohhran mipui ten hun lo kan tiin kan ui takzet a. A taksa hetah awm tawh lo mah se, a Lalpa kiangah thlamuang taka chawlin, luiral ramah min lo hmuak ang tih beisei chungin Lalpa leh a Kohhran tana a thawh tawhna zawng zawng te kha kan thinlungah kan vawng theuh dawn a ni. A kalsan tak a nupui Pi Mani leh an tu leh fate, chhungkhat laina te zawng zawng hnenah Pathian Engkimtitheia thlamuanna awm zel rawh se.
No comments:
Post a Comment