Wednesday, January 5, 2011

2010 Republic Veng Kohhran Report

MIZORAM PRESBYTERIAN KOHHRAN : REPUBLIC VENG
SECRETARY REPORT (January to December 2010)
1. KOHHRAN COMMITTEE :
  Chairman  : Rev. R.C. Lalnghakliana
  Vice Chairman  : Upa L. Biakchhunga
  Secretary  : Upa H. Thangzuala
  Asst. Secretaries : 1) Upa C. Lalchharliana    &   2) Upa C. Lalbiakchhunga
  Treasurer  : 1) Upa Lalzuithanga (Tualchhung Sum)   &   2) Upa H. Zoramthanga (Synod Sum)
  Finance Secretary : Upa R. Zirrokunga
Committee Members :
1. Rev. S. Lalhluma
2. Rev . Lalpianga
3. Rev. S. Lalkhuma
4. Pro Pastor Lalhmangaiha
5. Upa Zalawma
6. Upa Lalthianghlima
7. Upa K. Saibela
8. Upa F. Hrangmuana
9. Upa PC Lalhmuaka
10. Upa R. Vanlalruata
11. Upa Lalthakhuma
 Thla thar Thawhlehni zan hmasa berah Committee neih thin a ni a, Committee hun pangngaihah vawi 14, Special Committee vawi 6 leh Thutfual vawi 3 neih a ni.
2. HMALAKNA TLANGPUI :  Kan Kohhran Member damlo nghet leh chatuan ram min pansan ta chhungte hnenah Rs. 1000/- pek thin a ni a. Khawsak harsate atul dan azirin, buhfai leh sum a tanpui thin an ni a. Kan Kohhran pawn lama Kohhran pawl leh mimal te tanpuina engemawzat pekchhuah a ni bawk. Khawsak harsate, damlo nghette, rualbanlote Ni-a thilpek lakkhawm chu kan Kohhran-a rualbanlote hnenah Krismas Present atan semrual a ni bawk. Kumin chhungin Church Clerk neih tan a ni a, Kohhran Office sak tharah nitin hna atul ang apiang a thawk thin a ni.
3. INCHHIARNA LAM :
 1. Kohhran Chhungkaw zat - 635
 2. Dan zawhkim zat - 2261
 3. Naupiang zat - 55
 4. Mitthi zat - 16
 5. Thunun lai zat - 75
 6. Pawl danga pakai zat - 2
 7. Pawl dang atanga lo pakai zat - 5
 8. Kohhran Member zawng zawng - 3139

4. SUB COMMITTEE TE HMALAKNA TLANGPUI : Kan Kohhran-ah hian Sub-Committee chi hrang 15 lai a awm a. Kohhran Hmeichhe Committee leh KTP Committee te chuan, a hranpain report an pe ve dawn a, chuvangin, Sub-Committee dangte report tlangpui ilo ngaithla ang u.

1) Finance Committee  :   Chairman  : Upa Lalzuithanga
   Vice Chairman  : Upa R. Zirrokunga
   Secretary  : Pu H. Lalbiakmawia
   Asst. Secretary  : Pu R. Lalfala
  Committee Member Zat  : 29 leh Kohhran Committee  Members.
  Committee Neih Zat  : Vawi - 13, thla tin Pathianni vawi 3-na ah Pathian Ram Ip a hawn thin a ni a, thurel ngai a awm chuan rel nghal thin a ni.
Sum Report
 1. Pathian Ram hmuh zawng zawng  - Rs. 32,06,412/-
 2. Ramthar hmuh zawng zawng   - Rs. 24,20,756/-
 3. Tualchhung hmuh zawng zawng   - Rs. 31,17,574/-
 4. Thawktu Chawmna hmuh zawng zawng  - Rs. 6,58,171/-
 5. Building Special hmuh zawng zawng  - Rs. 3,17,355/-
 6. Buhfai Tham hmuh zawng zawng  - Rs. 6,05,520/-
 7. Krismas leh Kumthar hmuh zawng zawng - Rs. 5,08,465/-
    TOTAL   - Rs. 1,08,31,103.00
  Synod-a lut zawng zawng   - Rs. 68,90,859 (63.6%)
  Tualchhunga lut zawng zawng   - Rs. 39,40,244 (36.3%)
  Hall sakna atana Loan lak pawh October 2010 khan rulh zawh a ni ta bawk.

2) Sunday School Committee :
  Superintendent  : Upa K. Saibela
  Asst. Superintendent : Upa Lalthianghlima (Puitling)
       Upa R. Vanlalruata (NPSS)
  Secretary  : Pu C. Lalthlamuana
  Asst. Secretary  : Pu C. Lalthlengliana
Committee Member Zat  : 25
Committee Neih Zat  : Vawi - 9
Hmalakna tlangpuite : Kumin chhungin NPSS mamawh chi hrang hrang engemawzat lei a ni a. Sunday School zirtirtute hnenah zirlaibu a thlawna sem a ni. S.S. Kaitha lawmman Mi 980 hnenah pek a ni bawk. NPSS Inkhawmpui neih a ni a, kan Kohhranin Beginner leh Junior Deptt. kan thleng a, a pumpuiah kan Kohhran chu 3-na kan ni. Sacrament Department Camping leh Senior leh NPSS Department zirtirtute Training neih a ni bawk. MSSU Medal/Award dawng mi 4 an awm a, mi 2 tan dilpui mek a ni. VBS ni 3 chhung kan nei thei a kan lawm hle a, chutih laiin, kan Superintendent Upa K. Saibela chuan chatuan ram min pansan a kan ui takzet a ni.

3) Ramthar Committee :
  Chairman  : Upa F. Hrangmuana
  Vice Chairman  : Pu B. Sanga Sailo
  Secretary  : Pu R. Sawichhingpuia
  Asst. Secretary  : Pu R. Lalneihliana
  Committee Member Zat : 30
  Committee Neih zat : Vawi - 9
  Hmalakna tlangpuite : Kan Kohhran huamchhungah Ramthar chanchinbu copy 195 semchhuah a ni a, kumtluanin bahlah awm lova, Missionary 50 chawm a ni. Kumin chhungin kan Kohhran Mission Field, Silcoorie-ah Crusade-cum-Bible Training neih a ni a. Evan. Lalrinpuia leh Pu Ragunath Rabidas-a ten tluang takin rawngbawlna an chhunzawma, Biak In thar pawk sak a hawn a ni tawh a. Ramthar Committee Member te pawhin kan zuk hmanpuia Krismas leh Kumthar an lo lawm ve nan Rs. 2,000/- pek an ni. Thlakhat a Inrinni vawi 5-na awm zan apiangin Ramthar Pual Sermon leh Biak In a bawm dawh neih thin a ni a. Hnatlang in, ramthar pual bawm dawhna thar siam a ni bawk.

4) Building Committee :
  Chairman  : Upa Lalthianghlima
  Vice Chairman  : Upa PC Lalhmuaka
  Secretary  : Pu Lalthlamuana
  Asst. Secretary  : Pu Isaak Lalremsiama
Committee Member Zat  : 24 leh Kohhran Committee Members
Committee Neih Zat  : Vawi 2
Hmalakna tlangpuite : Biak In thutthleng Cushion phah a ni a. Kohhran Committee Room cheithat te, Centenary Hall hnuai luahtheiha siamte, Kohhran Office thar sakte, Kohhran Hall leh Room hrang hranga Furniture siamthat te, Kohhran Hall-a Inneite thutna tur Thutthlengsei nghenchhan nei siam leh Choka luhna tawn tawnah Collapseable Gate siam hnate chu thawh zawh a ni.

5) Social Front Committee :
  Chairman  : Upa C. Lalbiakchhunga
  Vice Chairman  : Upa Lalthakhuma
  Secretary  : Pu J.H Lianzuia
  Asst. Secretary  : Pu Lalfakzuala
 Committee Member Zat : 17
 Committee Neih Zat :  Vawi - 9 leh OB Meeting vawi 3
Hmalakna tlangpuite : Vantlang zunin 1 siam thar a ni a, adang 3 te rawng hnawih a cheithat te, khawsak harsa chhungkaw 2 te buhfai pek te leh Ruihtheihthila fihlim lote pualin Gospel Camping buatsaih sak an ni bawk.

6) Kristian Chhungkaw Committee :
  Chairman  : Upa R. Zirrokunga
  Vice Chairman  : Upa R. Vanlalruata
  Secretary  : Pu Lalnunmawia Hnamte
  Asst. Secretary  : Pi Lalfeli
 Committee Member Zat : 26
 Committee Neih Zat : Vawi-9, OB Meeting Vawi 3
Hmalakna tlangpuite : Group hrang hrang 12-a inthenin mahni bial theuhvah Inkhawm te, thawhlawmte, chhung inkhawm leh buhfaitham te a fuih ngai zualte lenchilh a, kawm thin a ni a, Committee ah mahni bial hmalak dante report leh thin a ni a, mahni intihlum venna chungchanga zirtirna Sunday School ah Junior-Senior Department te leh vengchhunga School hrang hrangah neih a ni.

7) Kohhran School Managing Board Committee :
  Chairman  : Upa H. Zoramthanga
  Vice Chairman  : Upa Lalzuithanga
  Secretary  : Pu Khalhliana Ralte
  Asst. Secretary  : Pu PC Thanchunga
  Treasurer  : Upa F. Hrangmuana
  Fin Secretary  : Upa C. Lalchharliana
 Committee Memer Zat : 12
 Committee Neih Zat : Vawi-9 leh OB Meeting Vawi-1
Hmalakna tlangpuite : Zirtirtu 3 lak thar a nih laiin, 2 an bang thung a. Thawktu 5 te chu Confirmed an ni. Ni 7.6.2010 ah MBSE atangin Affiliated School kan ni ve ta a. School Manual Fifth Revised Edition 2010 tihchhuah a ni. School 10th Anniversary lawmna neih a ni a, 2011 atangin Class-VIII hawn tum a ni. Naupang 262 ten exam an passed vek a, January 2011 atangin hman tan turin thawktute Pay Revised a ni.

8) Library cum Archive Committee :
  Chairman   : Upa R. Vanlalruata
  Vice Chairman-cum-Libarian : Pu C. Lalchhuankima
  Secretary   : Pu V.L Biakhnuna
  Asst. Secretary   : Pu Lalnilena
  Committee Member Zat  : 9
  Committee Neih Zat  : Vawi-2
Hmalakna tlangpuite : Ni 6.7.2010 zingkarah hnatlang neiin Room thar luah a ni a. Pathian hnena hlanna neih nghal a ni. Room thar cheina bungrua lei a ni a, hnatlangin kan chei a. Lehkhabu chi hrang hrang Rs. 10,000/- man lei thar a ni bawk. Archive a dah turin, Rev. Kapthangvunga(L), Upa Seletthanga(L) leh Upa T. Romana(L) te thil hlui dawn a ni a, Almirah ah vawnthat nghal a ni.

10) Pavalai Pawl Committee :
  Chairman  : Pu C. Laltlanthanga
  Vice Chairman  : Pu VL Biakhnuna
  Secretary  : Pu Laldintluanga Sailo
  Asst. Secretary  : Pu Raltawnliana
 Committee Member Zat : 9
 Committee Neih Zat : Vawi-14
Hmalakna tlangpuite : Thawhtan zan apiangin, In hran hranah inpawlkhawmna neih thin a ni a. Zirtawp tlai apiangin Biak In-ah chaw ngheia tawngtai neih thin a ni. Pavalai din chamah Inhlantharna neih a ni a. Nilengin Carol Service leh Bethel neih a ni bawk. Pavalai Pawl Joint Committee buatsaih Revival Meet-ah te, Area Meet leh Advance Krismas hmanna ahte tel ve zel a ni. Krismas dawnah khawlai fangin, Pathian thu sawi leh tawngtairual nana hun hman a ni.

11) Masihi Sangati Committee :
  Chairman  : Upa P.C. Lalhmuaka
  Vice Chairman  : Pu R.C. Thuama
  Secretary  : Pu S. Hrangluaia
  Asst. Secretary  : Nl. Vanlalruati
 Committee Member Zat : 22
 Committee Neih Zat : Vawi-8 leh OB Meeting Vawi-1
Hmalakna tlangpuite : Fellowship Member 40 kan awm a, kumin chhungin Nula leh tlangval 20 lai an lo tel thar a, kan lawm hle a ni. Hmandangte Kohhranin tum 2 Crusade neih a ni a, Home Crusade tum 3 neih a ni bawk. Area Meet tum 2 neih a ni a, hnamdangte hruaiin, kan fellowship zaipawlte pawhin zaina hun kan nei ve thin a ni. Hnatlang tumkhat kan nei a, Bial Evangelist in kan Kohhran a rawngbawlna a neih apiangin kan lo tawiawm thin a. Hnamdang chhiarna kan nei a. Mosolman - 72, Gorkhali - 17 leh Hindu - 1 te ringlo mi kan Kohhran huamchhungah hian an la awm a ni.

12) Light & Sound Cell :
  Light & Sound Incharge Upa 4 leh kan Kohhran Light & Sound lama mithiam rualten hma an la hova. Kohhranin Light & Sound Control Room hnuai lama an sawn tak avangin Line siamthat vek a ni a. Sound Box - 2, Speaker - 2, Amplifier - 2, Biak In chhip hmar lama dah tur Electric eng Lian chi te leh, Light & Sound hmanraw chi hrang hrangte lei a ni a. Hnatlang tum 15 leh reilo deuh hnatlang tum engemawzat thawh a ni bawk.

13) Upa Bial Committee :
 Kan Kohhran hi Upa Bial 12-a then a ni a, Upa Bial tinah Committee siam a ni a. Kohhran pawhin a chak phah hle a ni.

Sd/-
(UPA H. THANGZUALA)
Secretary

No comments:

Post a Comment